الوضع الحالى للاسف مخزى ومقرف من المجلس العسكرى بلا شك والمجلس شغال على الفرقة وخناقات كراسى البرلمان وعلى الفرقة اللى كل التيارات فيها والتخوين اللى شغال من كل طرف تجاه طرف.
ميزة ثورة يناير فى البدايات انها من غير قيادة والكل داب فى بعضه لكن الكارثة دلوقتى هو غياب القيادة. دى مقترحات بسيطة يمكن تساعد فى الحل والتحضير ليوم 18 نوفمبر :
1) مجلس انتقالى مكون من مرشحى الرئاسة حاليا ( مع استبعاد عكاشة - مرتضى - شفيق من المجلس)
2) المجلس الإنتقالى مسئول عن تصحيح خطايا المجلس العسكرى فى وضع قوانين اجراء الانتخابات من الناحية القانونية
3) المجلس الإنتقالى يفعل قانون الغدر فورا بلا تردد
4) تأجيل موعد إجراء الإنتخابات لشهرين لحين تجهيز سفارات الخارج للسماح بالتصويت بجواز السفر
5) سحب الثقة من الحكومة الحالية وتشكيل حكومة تدير الفترة تستمر لحين أول جلسة لمجلس الشعب المنتخب
هذه الحكومة غير مسموح ليها باتخاذ قرارات خاصة بإقامة مشروعات
هذه الحكومة غير مسموح ليها باتخاذ قرارات خاصة بإقامة مشروعات
6) على وزارة الداخلية اتخاذ كل التدابير لتأمين العملية الإنتخابية
7) يتم اختيار وزير داخلية مشهود له بالحزم لاحالة اى ضابط شرطة أيا كانت رتبته للتقاعد حالة التقاعس عن اداء العمل
8) هناك ورقات عمل لاصلاح الداخلية واعادة الثقة بينها وبين الشعب يجب مناقشتها وتفعيلها وهناك ضباط شرفاء نثق فيهم
9) دور المجلس العسكرى اشرافى فقط وتصديقى على قرارات المجلس الإنتقالى
10) يفتح النقاش حول وضع القوات المسلحة فى مجلس الشعب المنتخب
ممكن يكون الرؤية عندى مش واضحة لكن عشان المجلس العسكرى يبطل لعب وتخريب فى المرحلة دى لازم المجلس الانتقالى ده بالناس دى لانها بتمثل كل التيارات والأفكار ويقدروا يحشدوا الشعب كله تانى لو وافقوا و يتم داخل المجلس الانتقالى تصويت على القرارات والاقتراحات ويؤخذ برأى الأغلبية
الافكار دى باعتبرها نواه مش اكتر قابلة للتعديل لغاية يوم 18 نوفبر عشان ننجح المرة دى
ليست هناك تعليقات:
إرسال تعليق